كتب الناشط الإعلامي حسين شمص عبر صفحتة على “فيسبوك”:
كرمال الصورة تكون حقيقية وواضحة امام محاولات كي الوعي والتضليل المستمر، جولة سريعة… :
شركات الصيرفة ونقيب الصرافين يلي عم يتلاعبوا بسعر الصرف مش تابعين لحركة أمل ولا محميين منها…
مش حركة امل يلي من قبل الازمة باشهر بلشوا يبرموا بسياراتهم يجمعوا الدولار من الصرافين واستمروا لليوم بجمعه من السوق….
مش شباب حركة أمل يلي معلقين برقابهم شنط ودايرين بالشوارع وموزعين بالزوايا يشتروا دولار لصالح قنواتهم الداخلية…!!!
مش شباب حركة أمل يلي بعمموا قبل الضو منصة اسعار السوق السودا عوسائل التواصل…!!
مش حركة امل يلي بتملك مصرف تحت اسم جمعية يوازي مصرف الدولة اللبنانية….!!
مش حركة امل يلي عممت عشبابها انو ممنوع دولاراتكم تتصرف او تنصرف خارج الدائرة الحزبية المعتمدة اصلا شباب الحركة قاوموا وضحوا مجانا وقدموا آلاف الشهداء وحرروا واسسوا المقاومة ومعظمهم بلا شغل….!!!
مش شباب حركة امل يلي ببيضوا اموال وبهربوا عبر الحدود المواد المدعومة وال $$$ وبساهموا بارتفاع الاسعار….
مش نبيه بري يلي طلع بعز الازمة والناس ميتي جوع وتباهى وقال جماعتي حيضلوا يقبضوا بالدولار ولا شباب الحركة يلي نشروا صورهم مع الدولار…
للمعلومة صحيح نبيه بري حمل ععاتقه ووعد وحاول خفض وتثبيت سعر صرف الدولار بس ما قدر، فشل صحيح لانه تفاجأ وآصطدم بتحالف مالي أمني حزبي حامي حاكم المصرف بالسر وبهاجموا بالعلن…
مش حركة أمل يلي بدها تقاتل كل العالم وعزلت لبنان وكان همها مشروع خارجي عحساب وطنها واهلها….مش حركة امل…حركة امل وطنية من نسيج هالمجتمع الطيب…
فكفى دجل ونفاق وفساد وعهر، قميصكم الوسخ ما بقا تلبسوا لغيركم وتتظاهروا بالعفة وانتو عنوان الفساد والانهيار…
إقرأ أيضاً: نبيه برّي آخر فرسان الممانعة: “أبتقطعش”
